世界很大，但原來一幢舊樓，足以裝下百多個國家的風景。在長沙灣的五層唐樓逗留得耐，你會開始感覺，每一個角落都散落著異國的靈魂。

這家名為「渴喝 Thirsty」的旅行主題 Book Cafe，由資深背包客林輝（Fred）和霍文芔（Sonya）主理。兩人之前在深水埗開餐廳，最終因生意平平而結業，怎料結業前已「扑鎚」租下這幢唐樓。被問到為何仍敢再下一城，兩位店主異口同聲笑說：「所以咪話我哋好衝動！夢想好美好，現實好殘酷，所以而家首要工作都係收支平衡。」

最初只想找個舖位，將餐廳、書本與活動空間合而為一，結果租下整幢老唐樓，便索性將概念拆層：地下是 Coffee Shop，一樓做書店，二樓是活動空間，天台更讓出部分位置給 NGO 種植本地農作。推門而入，一幅由外國插畫家一手包辦的巨型壁畫映入眼簾，四周放滿他們從世界各地帶回來的「手信」——異國的燈飾、民族地氈，還有不同產地的咖啡。

出過旅行書，甚至辦過背包客旅行團，他們總覺得「有時覺得分享咗出嚟嘅體驗，先至最真實。」店內時常舉辦《旅人地攤》等活動，引入 Human Library（真人圖書館）的概念，讓平時不敢開講座的旅行素人也願意開口。透過不同人的視角，世界變得更立體。Sonya 提到一種有趣的落差：「依家好多日本人其實好鍾意嚟香港，佢哋以一個遊客角度睇到我哋香港嘅嘢，同我哋香港人睇自己居住地睇到嘅嘢完全唔同。相反地，香港人好鍾意去日本就係遊客去日本嘅視覺，又會令當地日本人錯愕。」

▋唐樓深淵築起社區「家」

打理全幢唐樓，被問到會否覺得困身，甚至去少了旅行？他們坦言初時面對重重難關確實吃力：「租唐樓係一個深淵，到租咗之後先發現好多舊樓嘅問題。」但捱過陣痛，卻換來了落地生根的踏實。「慢慢覺得其實有種返咗屋企嘅感覺。要離開，其實好容易，但有咗呢個地方，變咗係我哋嘅家，我哋都希望呢個家可以做到一個社區凝聚嘅 Hub。」